Cila është situata me koronavirus në Zvicër dhe ku po rriten rastet?

Me 951 raste për 100,000 banorë, kantoni i St. Gallen ka numrin më të lartë të infeksioneve. Pastaj vjen Ticino me 950 raste për 100,000 banorë

Ndërsa Krishtlindja po afrohet, infeksionet me Covid-19 në Zvicër mbeten të larta, veçanërisht në pjesë të caktuara të vendit. Këtu keni një vështrim në evolucionin e fundit të përhapjes së virusit

Të dhënat nga Zyra Federale e Shëndetit Publik (BAG) tregojnë se cila është situata e fundit epidemiologjike në rajone të ndryshme të Zvicrës.

Më shumë se 4,270 raste të Covid-19 u raportuan në Zvicër më 15 Dhjetor.

Ndërsa ky numër është më i ulët sesa ishte në fund të Tetorit, kur rastet ditore arritën në 10,000, infeksionet “po ngecin në një nivel të lartë”, tha Ministri i Shëndetësisë, Alain Berset.

Epiqendra e pandemisë tani qëndron në pjesën lindore të Zvicrës, sipas BAG, përcjell albinfo.ch.

Me mbi 951 raste për 100,000 banorë, kantoni i St. Gallen ka numrin më të lartë të infeksioneve.

Tjetra është Ticino me gati 950 raste për 100,000, ndjekur nga Solothurn (762), Thurgau (775), Bazeli (738), Aargau (716) dhe Cyrih (705).

Ato janë të gjitha mbi mesataren e vendit prej 652 raste për 100,000.

Nga ana tjetër, rajoni frëngjishtfolës, i cili në fillim të nëntorit ishte ndër më të goditurit në Evropë, tani është shumë poshtë mesatares kombëtare.

Kjo rënie e numrave është për shkak të masave të rrepta që të gjitha kantonet në gjuhën frënge zbatuan për të frenuar përhapjen e infeksioneve.

Sa i përket shtrimeve në spital, numri më i lartë i pacientëve me sëmundje të lidhura me Covid në dy javët e fundit ka qenë në Ticino, ku shkalla është mbi 48 për 100,000.

Ky është kantoni i vetëm që shkalla e shtrimeve në spital tejkalon mesataren kombëtare të 49 rasteve për 100,000.

Numrat më të ulët janë në Zug (2.35) Jura (2.72), dhe Neuchâtel (2.83).

---