Britania e Madhe ka vaksinuar gati 140,000 njerëz

Keystone (University of Oxford/John Cairns via AP)

Gati 140,000 njerëz në Mbretërinë e Bashkuar kanë marrë vaksinën COVID-19 në javën e parë të shpërndarjes së vaksinës të zhvilluar nga Pfizer dhe BioNTech, tha të mërkurën ministri i ngarkuar me programin, shkruan “Reuters”

Vaksina u miratua për përdorim emergjent dy javë më parë, me përhapjen nga 8 dhjetori, duke e bërë Britaninë vendin e parë që vendosi vaksinimin jashtë provave klinike.

“Një fillim vërtet i mirë për programin e vaksinimit. Kanë kaluar 7 ditë dhe ne kemi bërë këto vaksinime: Angli: 108,000, Uells: 7,897, Irlandë e Veriut: 4,000, Skoci: 18,000. Gjithsej 137.897”, tha Nadhim Zahawi në një cicërimë.

“Ky numër do të rritet përderisa kemi funksionalizuar qindra PCN (rrjete të kujdesit parësor)”, tha ai. Njerëzit duhet të marrin dy doza të vaksinës, 21 ditë pas, kështu që askush që ka marrë dozën e parë nuk është ende i mbrojtur plotësisht.

Në përgjithësi, Britania ka porositur 40 milion doza të vaksinës Pfizer, dhe Sekretari i Shëndetësisë Matt Hancock ka thënë se ai pret të marrë miliona doza të vaksinës deri në fund të vitit, përcjell tutje albinfo.ch