Gjermani: 27 dhjetori, dita e fillimit të vaksinimit COVID-19

Keystone EPA/SERGEI ILNITSKY

Gjermania do të fillojë vaksinimin më 27 dhjetor me banorët e shtëpive të të moshuarve, njoftoi të mërkurën ministri i Shëndetësisë, Jens Spahn.

Në një deklaratë, 16 ministrat e shëndetit të nivelit shtetëror të Gjermanisë thanë se Spahn kishte njoftuar “miratimin dhe furnizimin e pritur të vaksinës BioNTech” javën e ardhshme, me shpërndarjen që filloi pak para fundit të vitit. Përderisa Gjermania mban presidencën e rradhës së BE-së, kjo nënkupton që 27 dhjetori do të jetë data e fillimit për të gjitha vendet anëtare, shkruan “Reuters”, përcjell albinfo.ch.

Kancelarja Angela Merkel dëshiron të zhvillojë një diskutim me themeluesit e BioNTech, Ugur Sahin dhe Lemzlem Türeci në një video-konferencë të enjten.

Të mërkurën, po ashtu kryeministri francez, Jean Castex, tha se Franca mund të fillojë vaksinimet “në javën e fundit të dhjetorit” nëse “plotësohen të gjitha kushtet”. Shefja e Komisionit Evropian, Ursula von der Leyen, tha se të gjitha vendet e bllokut mund të fillojnë në të njëjtën ditë pasi të miratohet vaksina Pfizer-BioNTech.

Komisioni do të bëjë thirrjen e fundit mbi autorizimin pasi Agjencia Evropiane e Barnave (EMA) të ketë dhënë vendimin e saj përfundimtar. Vaksina Pfizer-BioNTech tashmë është aprovuar në disa vende perëndimore, duke filluar me Britaninë dhe SHBA-në, përcjell tutje albinfo.ch.