Maqedonia ndalon fluturimet nga Britania e Madhe e Irlanda Veriore

Me rekomandim të Komisionit për Sëmundje Ngjitëse, Qeveria mbrëmë mbajti mbledhje, në të cilën miratoi vendimin për të ndaluar të gjitha fluturimet nga Britania e Madhe dhe Irlanda Veriore në Maqedoninë e Veriut, deri në fund të vitit 2020.

Me këtë vendim të Qeverisë, do të jetë i detyrueshëm kontrolli i të gjithë udhëtarëve që hyjnë në territorin e RMV-së nga Britania e Madhe dhe Irlanda Veriore përmes vendkalimeve tokësore kufitare dhe në vendkalimet kufitare të aeroporteve në Shkup dhe Ohër, transmeton telegrafi, përcjell Albinfo.ch.

Nga Qeveri thonë se të gjithë udhëtarët që vijnë nga Britania e Madhe dhe Irlanda Veriore detyrimisht do të dërgohen në vetizolim për 14 ditë, si dhe të plotësojnë formulare për hyrje në vend me të dhëna për vendin e akomodimit.