Serbia fillon vaksinimin e qytetarëve në Veri të Kosovës

Vaksinimi kundër koronavirusit me vaksinën Pfizer ka filluar në veri të Kosovës. Shumë pleq kanë filluar pritjen në radhë dhe, siç shihet, interesimi për të marrë vaksinën është i madh.

Fillimi i vaksinimit në veri të Kosovës u konfirmua edhe nga Presidenti i Serbisë, Aleksandar Vuqiç.

“Vaksinimi filloi në Leposaviq dhe do të vazhdojë kudo në Veri. Fillimisht do të vaksinohen të moshuarit mbi 75 vjeç, pastaj të tjerët”, ka thënë Vuçiq, transmeton Insajderi, përcjell Albinfo.ch.

Vaksinimi do të fillojë më vonë sot në Mitrovicën e Veriut dhe nesër në Zubin Potok dhe Zveqan.

Sasitë e para të vaksinës nga kompania “Pfizer-Biontek” arritën në Serbi të martën dhe vetëm tre ditë më pas një sasi është nisur në pjesën Veriore të Kosovës.