Danimarka vazhdon zgjatjen e kufizimeve anti-Covid

Keystone

Në një lajmërim të fundit, Qeveria daneze njoftoi për vazhdimin e zgjatjes së mbylljes së përkohshme të të gjitha bizneseve jothelbësore deri në mes të janarit, për të ndaluar pandeminë e COVID-19, shkruajnë mediat daneze, përcjell albinfo.ch.

“Në sytë tanë nuk është e drejtë që një festë e Vitit të Ri të nënkuptojë përhapjen e më shumë infektimeve”, tha kryeministrja Mette Frederiksen.

“Situata me këto norma infektimesh dhe shtrimesh në spital është më serioze tani sesa ishte në pranverë”, paralajmëroi ajo.

Po ashtu, të gjitha dyqanet, me përjashtim të farmacive, ushqimoreve dhe supermarketeve, të mbyllura që prej 25 dhjetorit, do të vazhdojnë të qëndrojnë të mbyllura nga 3 deri më 17 janar. /Albinfo.ch