Interes shumë i madh për vaksinimin në kantonin e Cyrihut

Faqja e regjistrimit (EBPI) për vaksinimin ka regjistruar mbi 100.000 qasje në orën e parë pas aktivizimit

Së fundi është bërë i mundur të regjistrimi për vaksinim kundër Covid-19 edhe në kantonin e Cyrihut. Të parët që mund të regjistrohen janë njerëzit 75 vjeçarë ose më të vjetër, shkruan srf.ch.

Ajo që tashmë dihet është se terminet e para janë rezervuar menjëherë.

Numri i të interesuarve tejkalon shumëfish numrin e dozave të vaksinave që aktualisht janë në dispozicion, transmeton albinfo.ch. Nga java tjetër, do të shtohet në vazhdimësi numri i termineve që do të jenë në dispozicion.

Faqja e regjistrimit e Institutit për Epidemiologji, Biostatistikë dhe Parandalim (EBPI) për vaksinimin ka regjistruar mbi 100.000 qasje në orën e parë pas aktivizimit.

Ndërsa telefonat e  mjekëve në dispozicion për regjistrim kanë marrë rreth 60.000 telefonata në orë, thuhet në një njoftim nga EBPI, përcjell albinfo.ch

Rrjeti ishte i mbingarkuar, përkatësisht kohët e pritjes ishin të gjata.

---