Punonjësit e “Spitex”-it, shumë më të rrezikuar se ata të spitaleve

Antitrupat Sars-CoV-2 janë zbuluar në gjakun e 19 për qind të personelit të spitex-it, dhe vetëm 8% te punonjësit tjerë shëndetësorë

Testet e gjakut të pothuajse 5000 personave në Ticino kanë treguar se profesionistët shëndetësorë nuk kanë rrezik të shtuar të kontraktimit të koronavirusit, në krahasim me të tjerët, raporton srf.ch.

Sipas studimit të realizuar nga shoqata e spitalve të Ticinos, EOC, puna e punonjësve të Spitex-it (shërbimi i ndihmës për të moshuarit dhe të sëmurët në shtëpitë e tyre) është më e rrezikshmja.

Këtë pohim e mbështet fakti se antitrupat Sars-CoV-2 janë zbuluar në gjakun e 19 për qind të profesionistëve shëndetësorë të ekzaminuar të cilët punojnë në shërbimin e spitex-it, transmeton albinfo.ch. Ndërsa te punonjësit shëndetësorë që nuk bëjnë vizita nëpër shtëpitë e pacientëve, shkalla e infektimit ishte vetëm tetë për qind.

Në përgjithësi, antitrupat janë gjetur në dhjetë për qind të profesionistëve shëndetësorë, ka vënë në dukje EOC në një komunikatë për media, të dërguar të enjten.

Një studim tjetër që ekzaminon shfaqjen e antitrupave në popullatë ka treguar, në fund të shtatorit, një të ashtuquajtur seroprevalencë (= frekuenca e antitrupave specifikë në gjak) prej njëmbëdhjetë për qind tek personat midis moshës 20 dhe 64 vjeç

---