Këto dyqane dhe ofrues shërbimesh mbeten të hapura pas 18 janarit

Cilat janë aktivitetet dhe lokalet që vazhdojnë të mbeten të hapura edhe pas 18 janarit? Mediat zvicerane kanë bërë një listë të tyre

Në vendimin më të ri të Qeverisë së Zvicrës që u kumtua pak më parë, prezantohen masat e ndërmarra që kanë të bëjnë kryesisht me mbylljen gjegjësisht pushimin e aktiviteteve të shumë ofruesve të shërbimeve të ndryshme.

Por, cilat janë aktivitetet dhe lokalet që vazhdojnë të mbeten të hapura edhe pas 18 janarit? Mediat zvicerane kanë bërë një listë të tyre, transmeton albinfo.ch.

Dyqanet dhe ofruesit e shërbimeve në vijim nuk do të mbyllen as pas 18 janarit 2020: Kioskat, furrat e bukës, dyqanet në pompat e benzinës, farmacitë, optikët, dyqanet e aparateve të dëgjimit, ofruesit e telekomunikacionit, dyqanet e riparimit dhe mirëmbajtjes, lavanderitë, sallone flokësh, dyqanet për materiale ndërtimi dhe kopshtarie si dhe dyqanet e luleve.

Ndërsa ofruesit e shërbimeve si: sallonet e flokëve, zyrat postare, bankat, agjencitë e udhëtimit, solariumet dhe lokalet për pastrim rrobash duhet të mbyllen midis orës 19:00 dhe 6 të mëngjesit dhe të dielën, përcjell albinfo.ch. Kjo vlen edhe për dyqanet përkatëse në stacionet e trenave dhe aeroportet.

---