Rënie e eksportit dhe importit të mallrave në Mal të Zi

Keystone EPA/BORIS PEJOVIC

Tregtia e përgjithshme e jashtme e Malit të Zi në janar 2021 arriti në 128.1 milionë euro, e cila është një rënie prej 24.7 për qind krahasuar me të njëjtin muaj të vitit të kaluar, sipas të dhënave të sotme paraprake nga Zyra e Statistikave Monstat.

Mallrat me vlerë 25.3 milionë euro janë eksportuar dhe 102.8 milionë euro janë importuar. Krahasuar me të njëjtin muaj në vitin 2020, eksportet ishin më të ulëta me 19 për qind derisa importet ishin më të ulëta me 25.9 për qind, raporton portali CdM.

Mbulimi i importeve nga eksportet arriti në 24.6 për qind dhe është më i lartë se në të njëjtin muaj të vitit të kaluar kur arriti në 22.5 për qind, sipas Monstat.

Shumica e mallrave u eksportuan në Serbi (6.1 milionë euro), Slloveni (2.8 milionë euro) dhe Bosnjë e Hercegovinë (2 milionë euro) muajin e kaluar.

Në të njëjtën kohë, në janar 2021, Mali i Zi importoi më shumë mallra nga Serbia (20.5 milionë euro), Kina (13.3 milionë) dhe Gjermania (10.2 milionë euro).