Berset premton se verës do të lejohen ngjarjet me pjesëmarrje masive

Ministri Berset ka njoftuar se në verën që vjen duhet të jenë të mundshme aktivitete e mëdha, të cilat kanë munguar gjatë vitit 2020

Një vit me koronavirus – një vit pa festivale dhe festa tjera masive. Dëshira për pak më shumë kënaqësi jetësore është e madhe. Sidoqoftë, festivalet e mëdha në ambiente të hapura aktualisht kanë filluar të bëjnë planet e tyre për verën, shkruan srf.ch, transmeton albinfo.ch

Ministri i Shëndetësisë Alain Berset së voni ka njoftuar se në verën që vjen duhet të jenë të mundshme aktivitete e mëdha, të cilat kanë munguar gjatë gjithë vitit 2020.

Kreu i komunikimit i ministrit Berset, Peter Lauener ka thënë për “SonntagsZeitung” sa vijon:

“Ne kemi shumë mirëkuptim dhe vullnet të mirë për aktivitetet kulturore dhe sportive. Dhe ne duam që ngjarje të mëdha, masive kulturore dhe sportive të mbahen përsëri këtë verë, nëse lejon situata epidemiologjike”.

Në javët e ardhshme në Këshillin Federal do të kërkohen dhe diskutohen hapat e hapjes për kulturën dhe sportin  thotë Lauener, përcjell albinfo.ch. Dhe shton më tej: “Aktivitetev të mëdha në verë duhet t’u jepet një perspektivë”. Vendimi duhet të merret në javët e ardhshme, por jo më herët se më 17 mars.

Të shpresosh për një verë si ajo e vitit  2019 do të ishte e tepruar, thotë Lauener: “Vera e ardhshme nuk do të jetë si ajo e vitit 2019″, transmeton albinfo.ch Kushtet për festivalet nuk dihen ende, por kufizimi i numrit të vizitorëve është i nënkuptueshëm”.

---