Mbi një milion persona janë vaksinuar në Austri

Keystone 2020

Gjatë fundjavës, numri i të vaksinuarve kundër koronavirusit në Austri ka kaluar mbi një milion persona. Kështu ka raportuar të shtunën, Ministria e Shëndetësisë, përcjell albinfo.at

“Dje (e premte) kemi arritur një rekord ditor ku kemi vaksinuar afro 50,000 persona, ndërkohë një milion vaksina janë kryer tashmë,” thuhet në raportin e Ministrisë së Shëndetësisë . Numri i vaksinave ditore po rritet vazhdimisht dhe vijon ashtu siç është planifikuar, shkruan kurier.at.

Ndërkohë, bazuar në këtë raport, gazeta tjetër austriake heute.at shkruan se: “Austria ka porositur 31 milion vaksina kundër koronavirusit. Këto do të janë të mjaftueshme për t’u vaksionuar pothuajse nga tre herë secili person që jeton në Austri”.

Mesatarisht në çdo 3.2 sekonda në Austri vaksinohet një person, ndërkohë 9.5 përqind e popullatës që jetojnë në Austri, kanë marr dozën e parë të vaksinës.

Tani është e rëndësishme të vazhdohet plani i vaksinimit me një prioritet të vazhdueshëm gjithëpërfshirës të grupeve në rrezik, veçanërisht të atyre mbi moshën 65 vjeçe.

Të drejt vaksinimi kanë të gjithë personat që jetojnë në Austri dhe janë mbi moshën 16 vjeçe.