Skip to content

Lea Ypit iu nda doktoratura e nderit nga Universiteti i Fribourgut

Gjatë vizitës së saj në këtë qytet zviceran, profesoresha e Shkollës së Ekonomisë në Londër mbajti gjithashtu një ligjëratë publike si e ftuar në kampus

Siç ishte parlajmëruar nga fillimi i muajit, filozofja politike shqiptare, e njohur edhe si autore bestsellerësh, tLea Ypi mori një doktoraturë nderi nga Universiteti i Freiburgut më 16 nëntor 2026. Gjatë vizitës së saj në këtë qytet zviceran, profesoresha e Shkollës së Ekonomisë në Londër mbajti gjithashtu një ligjëratë publike si e ftuar në kampus. Tema e ligjëratës ishte “Si e minon kapitalizmi lirinë” dhe ishte pjesë e serisë së leksioneve “Demokracia nën presion”.

Fakulteti i Filozofisë e ka nderuar Ypin në Dies Academicus 2026, duke radhitur disa merita të saj për këtë nderim. Kështu, Universitetit të Freiburgut e vlerëson te vepra e Ypit në radhë të parë lidhjen ndërdisiplinore. “Ypi kombinon me mjeshtëri filozofinë politike, historinë bashkëkohore dhe rrëfimin letrar në veprat e saj”.

Më tutje ajo që vlerësohet te Lea Ypi është qasja në studime. Përmes librave të saj të vlerësuar ndërkombëtarisht, ajo i bën pyetjet komplekse filozofike të arritshme për një audiencë të gjerë.

Përgjegjësia sociale është shtylla e tretë të cilën e ka vlerësuar Fakulteti i Filozofisë i Freiburgut kur i ka ndarë asaj doktorturën e nderit: Hulumtimi i saj mbi lirinë, dinjitetin, kujtesën dhe përgjegjësinë historike përputhet me vlerat thelbësore të fakultetit.

Eventi u organizua nga Departamenti i Historisë dhe Departamenti i Historisë Bashkëkohore.