Austria, drejt masave më të forta të bllokimit

@seonghojang95

Pas një takimi të hënën dhe të martën, autoritetet në Vjenë, Austrinë e Ulët dhe Burgenland, janë vendosur të vendosin masa më të rrepta të koronavirusit.

Deri gati në tre të mëngjesit të martën, guvernatorët e shteteve arritën një marrëveshje për të zbatuar masa më të rrepta bllokimi. Infeksionet me koronavirus janë “rritur masivisht” në shtetet lindore, ndërsa spitalet dhe njësitë e kujdesit intensiv tani janë në një nivel kritik, përcjell albinfo.at.

Media austriake raporton se diskutimet u nxehën, me ministrin e Shëndetësisë, Rudolf Anschober dhe Kryetarin e Vjenës, Michael Ludwig, duke përjetuar rezistencë për masa më të rrepta bllokimi. Anschober po bënte presion për një sërë masash, të cilat “do të ndihmonin vërtet për të parandaluar kolapsin e afërt të spitaleve”. Guvernatorja e Austrisë së Ulët, Johanna Mikl-Leitner, thuhet se ka bërë presion për kufizime më të lehta dhe u mbështet nga disa anëtarë të kancelarisë federale, sipas gazetës Kurier të Austrisë.

Austria tashmë po operon nën një bllokim të ngushtë mbarëkombëtar, i cili u zgjat javën e kaluar deri në mes të prillit, përcjell tutje albinfo.at.