Në Maqedoni, interesim i lartë për vaksinim

Keystone

Në Maqedoni, Ministria e Shëndetësisë informon se gjatë ditës së djeshme janë vaksinuar 730 qytetarë, në të gjitha pikat për vaksinim në shtet.

Thuhet se 30 deri 55 persona në ditë do të vaksinohen në një pikë, përcjell Telegrafi Maqedoni.

Sipas sistemit “Termini im”, interesimi te qytetarët mbi 77 vjeç, te të cilët ka filluar vaksinimi prej dje, është i lartë, gjegjësisht vetëm 2 për qind të qytetarëve që kanë caktuar termin nuk ke kanë pranuar vaksinën.

Vaksinimi ka filluar në Shkup, Prilep, Ohër, Gostivar, Shtip, Kumanovë, Veles, Manastir, Strumicë dhe spitalin në Kavadar.

Nga MSH thonë se vaksinimi zhvillohet prej orës 08:00 deri 20:00, nga e hëna deri të premten.