Nga janari deri në tetor, më pak njerëz hynë në vendet e BE-së në mënyrë të parregullt sesa në të njëjtën periudhë të vitit të kaluar, sipas agjencisë kufitare të BE-së, Frontex.
U regjistruan pak më pak se 110,000 kalime të parregullta kufitare. Krahasuar me vitin e kaluar, kjo është pothuajse një e treta më pak (29%), transmeton albinfo.ch. Kalimet e parregullta kufitare u ulën në pothuajse të gjitha rrugët e refugjatëve.
Vetëm në Mesdheun perëndimor u rrit numri, shkruan Frontex, raportonojnë agjencitë e lajmeve sda dhe dpa. Rënia e përgjithshme e kalimeve kufitare është kryesisht për shkak të bashkëpunimit në rritje midis shteteve anëtare.
Frontex regjistroi rënien më të madhe, me 55 për qind, në rrugën qendrore të Mesdheut, d.m.th., midis Afrikës së Veriut dhe Italisë.
Pjesa më e madhe e të gjitha hyrjeve të parregullta në BE, me pothuajse 60 për qind, ende erdhi nga Mesdheu Lindor.
Megjithatë, edhe këtu shifrat ranë pak – me rreth dymbëdhjetë për qind.
Përpjekjet për të arritur në Evropë nga deti shpesh përfundojnë në aksidente tragjike që përfshijnë anije që shpesh janë shumë të papërshtatshme për lundrim.
Sipas Organizatës Ndërkombëtare për Migracionin (IOM), më shumë se 2,000 njerëz kanë vdekur në Mesdhe vetëm këtë vit.
