Deri sot, 6.7% e zviceranëve i kanë marrë të dy dozat e vaksinës

Shprehur në shifra, deri më tani më shumë se 576,000 njerëz janë vaksinuar plotësisht kundër Covid-19

Në Zvicër deri të mërkurën, mbi 576,000 njerëz janë vaksinuar plotësisht kundër Covid-19.

Kjo do të thotë se kaq është numri i atyre që kanë marrë të dy dozat e vaksinës, shkruan Zyra Federale e Shëndetit Publik (BAG) në njoftimin që e publikoi sonte në faqen e saj të internetit, raporton srf.ch.

Shprehur në përqindje, deri të mërkurën, 6.7 për qind e popullsisë ishin vaksinuar në  tërësi, transmeton albinfo.ch.

Përveç kësaj, 389,000 njerëz kanë marrë dozën e parë të vaksinimit.

Në javën e kaluar, sipas BAG, shkalla e vaksinimit është rritur për 17 për qind krahasuar me javën e mëparshme. Mesatarisht gjatë asaj jave janë vaksinuar rreth 28,000 persona në ditë.

Deri më tani në të gjitha kantonet dhe në Principatën e Lihtenshtajnit janë dorëzuar gjithsej 2’063’550 doza të vaksinimit kundër koronës.

Nga këto, janë injektuar 1,542,286 doza.

---