50 fluturime të planifikuara, mërgimtarët vijnë në Kosovë për Bajram

@Aeroporti i Prishtinës "Adem Jashari"

Mërgimtarë të shumtë ia kanë mësyrë Kosovës për festën e Fitër Bajramit.

Vetëm gjatë ditës së sotme janë planifikuar 50 fluturime.

Kështu ka konfirmuar për Telegrafin zëdhënësja e Aeroportit Ndërkombëtar “Adem Jashari”, Valentina Gara.

“Në datat 1 deri 12 maj janë operuar 134 fluturime komerciale, me 22 mijë e 500 udhëtarë në ardhje dhe 14 mijë në shkuarje. Që nga heqja e karantinës nga shteti zviceran për udhëtarët nga Kosova, janë shtuar rreth 40 fluturime shtesë gjatë muajit maj. Ndërsa vetëm sot janë paraparë 50 fluturim”, tha ajo.

Gara shtoi se më së shumti udhëtarët janë nga Gjermania dhe Zvicra.