Merkel: Gjermania po e menaxhon mirë pandeminë

(KEYSTONE/EPA/RAINER KEUENHOF) POOL

Në një konferencë për media, kancelarja gjermane, Angela Merkel, shprehu sot optimizmin e saj në lidhje me përparimin që po bën vendi, ndërsa fushata e vaksinimit ka marrë vrull, por paralajmëroi se Gjermania nuk është ende jashtë rrezikut, përcjell albinfo.ch.

“Rruga e Gjermanisë është e mirë dhe shpresëdhënëse, por duhet ende kujdes, edhe pse numri i të vaksinuarve kundër COVID-19 po rritet”, tha Merkel.

“Hapat për të rihapur vendin duhet të mendohen mirë”, shtoi kancelarja.

Po ashtu, Merkel do të takohet me udhëheqësit e landeve më 27 maj për të diskutuar hapat e ardhshëm për programin e vaksinimit në vend dhe mënyrën e përdorimit të tij te fëmijët dhe studentët.

Ndërkohë, udhëheqësit pritet gjithashtu të diskutojnë planet për një certifikatë dixhitale vaksinimi dhe logjistikë vaksinimi në verë, sipas burimeve./Albibfo.ch