Këngëtari shqiptar e hap “Euro 2020”

Ceremonia hapëse do të jetë nga ora 19:00, kurse sfida e parë është Turqia-Italia

Gjithçka është gati për fillimin e Kampionatit Evropian “EURO 2020” me ndeshjen hapëse Itali-Turqi, e cila do të zhvillohet në stadiumin “Olimpico” të Romës.

Ceremonia hapëse do të fillojë më 11 qershor, nga ora 19:00 me këngën “UNO” të këngëtarit të njohur shqiptar, Ermal Meta, përcjell albinfo.ch.

Kënga “Uno” është përshtatur me ngjarjen, pasi bëhet fjalë për një udhëtim në fusha futbolli, ku mesazhi është se nuk është e nevojshme të jesh i famshëm për të luajtur sport dhe shijuar atë.

Kjo nuk është hera e parë që një artist shqiptar performon në ceremoni të tilla. Edhe këngëtarja Era Istrefi ka kënduar në hapjen e Kampionatit Botëror “Rusia 2018”.

Grupi A është grupi startues, ku të premten e 11 qershorit do të ndeshen Turqia dhe Italia, me fillim nga ora 21:00, duke vazhduar më pas më 12 qershor, të shtunën, me grupin A, ndeshja mes Uellsit dhe Zvicrës, ndeshje që do të zhvillohet nga ora 15:00.

Në shkallët e Stadio Olimpico në Romë do të jenë 16 mijë spektatorë që kanë kaluar COVID-in, janë vaksinuar apo kanë një test negativ. 7 mijë do të jenë italianë, 3 mijë shtetas turq, ndërsa 6 mijë nga shtete të tjera.

https://www.instagram.com/p/COjCwBHq4ru/?utm_source=ig_embed&ig_rid=a5c440ca-9ab6-40ad-ade0-3aff7a152804

---