Britania shtyn për katër javë masat anti-COVID

(KEYSTONE/DPA/Kay Nietfeld)

Zbutja e masave anti-COVID në Britani të Madhe që do të duhej të aplikoheshin nga 21 qershori, janë shtyrë edhe për katër javë të tjera.

Këtë e ka konfirmuar kryeministri i këtij vendi, Boris Johnson, gjatë një konference për media, transmeton Telegrafi.

Hapi i fundit i zbutjes së masave nënkuptonte heqjen e çfarëdo kufizimi në Britani të Madhe, por një gjë e tillë do të shtyhet deri më 19 korrik.

E për këtë vendim ka ndikuar varianti indian i COVID-19, i njohur si Delta, që po përhapet nëpër Angli, pasi që numri i të infektuarve është rritur për 49 për qind brenda një jave, e i atyre të hospitalizuar në 15 për qind.