Bien rastet aktive në Kosovë, gjithsej vetëm 179

EPA/VALDRIN XHEMAJ

Ministria e Shëndetësisë ka bërë të ditur se në Kosovë numri i rasteve aktive me koronavirus është ulur dukshëm, pasi në gjithë vendin janë vetëm 179 raste. Ndërkaq, ditën e premte pati vetëm nëntë raste pozitive me koronavirus dhe nuk pati asnjë rast të vdekjes.

“Nga 1.694 testime, 9 qytetarë kanë rezultuar pozitivë me virusin COVID-19. Gjatë 24 orëve të fundit, nuk është shënuar asnjë rast i vdekjes. Janë shëruar 14 qytetarë, derisa numri i përgjithshëm i të shëruarve është 105.200. Në total numri i rasteve aktive është 179”, bëri të ditur IKSHPK.

Edhe vaksinimi i qytetarëve të Kosovës ka filluar në masë të madhe. Vetëm në 24 orët e fundit janë dhënë 7,341 doza të vaksinës anti-COVID.

Që nga fillimi i vaksinimit në të gjitha qytetet e Kosovës janë dhënë 125.882 doza të saj.