Theret me thikë një person në aeroportin e Dyseldorfit

Policia tha se sulmi me thikë ndodhi në një garazh parkimi pranë terminalit të nisjeve

Policia federale e Gjermanisë konfirmoi të martën se një sulm me thikë la një person të plagosur në aeroportin e Dyseldorfit.

Policia tha se sulmi me thikë ndodhi në një garazh parkimi pranë terminalit të nisjeve.

Viktima u dërgua në spital për mjekim. I dyshuari është ende në arrati, policia lokale dhe ajo federale janë vënë në ndjekje.

Një zëdhënës i policisë tha se goditja me thikë rezultoi nga një mosmarrëveshje midis njerëzve të pastrehë dhe se nuk kishte kurrë ndonjë rrezik për pasagjerët ose sigurinë e fluturimit. Lëndimet e pësuara nga viktima thuhet se nuk ishin të rënda, raporton Reuters.

 

---