Mbretëresha Elizabeta II i dërgon mesazh Gareth Southgate përpara finales së Euro 2020

Madhëria e saj ka shkruar një letër për trajnerin Southgate dhe yjet e tij, duke i uruar ata për arritjet e tyre dhe duke i lavdëruar ata për shpirtin, angazhimin dhe krenarinë e treguar

Mbretëresha Elizabeta II ka shkruar një letër inkurajuese dhe lavdëruese për Gareth Southgate dhe lojtarët e tij të Anglisë.

Ky grup lojtarësh është i pari që ka arritur një finale të madhe në një turne ndërkombëtar që nga skuadra fituese e Kupës së Botës në 1966, në të cilën vetë Mbretëresha Elizabeta ishte atje për t’i uruar 55 vjet më parë.

Madhëria e saj ka shkruar një letër për trajnerin Southgate dhe yjet e tij, duke i uruar ata për arritjet e tyre dhe duke i lavdëruar ata për shpirtin, angazhimin dhe krenarinë e treguar, shkruan 90min.

“Pesëdhjetë e pesë vjet më parë isha me fat që i prezantova Kupën e Botës Bobby Moore dhe pashë se çfarë do të thoshte për lojtarët, stafin drejtues dhe ndihmës për të arritur dhe fituar finalen e një turneu të madh ndërkombëtar të futbollit”, shkroi Mbretëresha.

“Unë dua të dërgoj urimet e mia dhe të familjes sime të gjithëve për arritjen në finale të Kampionatit Evropian dhe të dërgoj urimet e mia të mira për të dielën me shpresën që historia të regjistrojë jo vetëm suksesin tuaj, por edhe shpirtin, angazhimin dhe krenaria me të cilën jeni sjellë”, thuhet në letrën e Mbretëreshës Elizabeta.

 

---