Shëngjini, destinacioni kryesor i pushuesve kosovarë

Këtë 'status' Shëngjini po e ruan prej disa vjetësh

Të shumtë janë kosovarët që kanë zgjedhur edhe këtë vit Shëngjinin për pushime verore. Arsyet janë të shumta, duke nisur nga afërsia mes Kosovës dhe Shëngjinit, që për dallim nga plazhet e tjera, Shëngjini është më pranë tyre, shkruan albinfo.ch.

Hotelet në Shëngjin janë të mbushura me plot turistë kosovarë, por jo vetëm.

Të shumta janë hotelet dhe apartamentet që thonë se kapacitetet e tyre për dhoma tani më janë të rezervuara dhe të mbushura.

Pa dyshim se një valë e turistëve ishte nga diaspora shqiptare e Kosovës. Hotelet më në Shëngjin thonë se ambientet e tyre janë mbushur edhe me mërgimtarë të shteteve të ndryshme të botës, duke shprehur falënderime për atë që kanë zgjedhur.

Shëngjini njihet për plazhin e bukur të rrethuar nga pylli me pisha dhe të mbrojtur nga mali që i rri si kurorë. /Albinfo.ch

---