Kurti favorizon shtyrjen e zgjedhjeve

Kryetari i Lëvizjes Vetëvendosje, Albin Kurti, ka shprehur qëndrimin e tij në favor të shtyrjes së zgjedhjeve lokale. Pas takimit me presidenten Vjosa Osmani, Kurti tha se zgjedhjet lokale nuk janë sikur ato qendrore. Megjithatë, ai tha se nuk do të imponojë këtë qëndrim.

“Shtyrja e zgjedhjeve është që të mos kemi një valë të re, prandaj ne jemi për shtyrje, nuk imponojmë qëndrimin tonë. Jemi të brengosur, pasi nuk krahasohen zgjedhjet lokale me nacionale. Nuk votohet një herë, por edhe me balatozh, ne mendojmë që është më e mençur që të shtyhen. Është duke u përmirësuar situata, por duhet të jemi të kujdesshëm të mos kemi një valë tjetër. Sido që të vendoset, ne do ta pranojmë”, tha Kurti, transmeton Albinfo.ch.