Kosovarët sërish me probleme në kufirin me Malin e Zi

Shqiptarët nga Kosova bllokohen sërish në Han të Hotit: S’na njohin testet, kërkojnë ta bëjmë këtu 23 euro

Vazhdon të mbetet problematike situata në pikën doganore të Hanit të Hotit me Malin e Zi, përcjell albinfo.ch.

Për shkak të ndryshimit të masave kundër pandemisë dhjetëra punëtorëve sezonalë u kërkohet çdo ditë një tampon që kushton 23 euro për të kaluar kufirin.

Ndërkohë, për punonjësit kostoja e tamponit 23 euro është e papërballueshme.

“Kemi protestuar edhe dje. Shteti jonë ka të drejtë të na hapë rrugën. Me testin që është bërë 23 euro këtu, është e papërballueshme. Nuk i lejojnë testet në Shkodër, thonë t’i bëjnë këtu. Unë i kam bërë të dyja vaksinat dhe nuk po i njohin,” thotë një qytetar.

“Unë e kam kaluar Covidin dhe këta nuk ma njohin,” thotë një tjetër.

“Nuk na e pranojnë testin që kemi, duan ta bëjmë këtu 23 euro,” shprehet një qytetar, i cili është kthyer.

Masat e reja u vendosen ditën e djeshme në palën malazeze dhe kjo solli problematike për punonjësit shqiptar. Janë 100-200 punonjës ditorë që mbajnë familjet me këtë punë krahu në shtetin malazez.

---