Leart Haliti, talenti i futbollit me të ardhme të ndritur

Një tjetër futbollist shqiptar me perspektiv shihet, Leart Haliti

I lindur në vitin 2004, në Vjenë të Austrisë nga prindër shqiptarë nga Peja, Leart Haliti dashurinë për futbollin duket që e ka në gjak, të trashëguar nga i ati, Naim Haliti, ish-futbollist i KF „Besa“ në Pejë.

Learti pothuajse me të mësuar të ecë, ka filluar ta godasë topin e futbollit, shkruan albinfo.ch.

Si 5-vjeçar e regjistruan në shkollën e futbollit në kuadër të klubit të njohur Rapid-Wien. Kur ishte 9 vjeçar, familja e Leartit u shpërngul nga Vjena në Basel (Zvicër), dhe menjëherë e regjistruan në Klubin futbollistik SV Muttenz ku luajti në grupmoshat përkatëse.

Në vitin 2019 Learti ka kaluar në klubin prestigjioz FC Concordia në Basel dhe aktualisht luan në grupin U-18. Ai është një futbollist i dalluar dhe njohësit e futbollit e vlerësojnë si lojtarë me perspektivë të shkëlqyeshme. Përkrah futbollit, Leart Haliti vijon mësimet me sukses të shkëlqyeshëm në vitin e fundit të shkollës profesionale ekonomike.

Pra, mbajeni në mend emrin Leart Haliti, ngase në të ardhmen do e mësojmë përmendësh, të gjithë ne adhuruesit e futbollit në Zvicër dhe më gjerë!

N.J.

---