Rama nesër viziton Kosovën, pritet nga Kurti

Pasi të përfundojë vizitën në New York, kryeministri Edi Rama do të vizitojë Kosovën.

Kreu i qeverisë i është përgjigjur ftesës së kryeministrit të Kosovës, Albin Kurti, dhe pritet që të hënën të zhvillojë një vizitë zyrtare në Prishtinë.

Vizita e tij në Prishtinë vjen, kur situata mes Kosovës dhe Serbisë është mjaft e tensionuar dhe të dyja palët kanë vendosur forca ushtarake në kufi, teksa ditën e sotme Ministria e Jashtme e vendit tonë i ka bërë thirrje Serbisë të tërheqë trupat e armatosura që të mos nxitet dhunë dhe trazira në veri të Kosovës, raporton A2, përcjell Albinfo.ch.

Që prej 18 shtatorit kryeministri Edi Rama ndodhet në New York, ku po merr pjesë në sesionin e 76-të të Asamblesë së Përgjithshme të OKB-së.

 

---