Donald Trump i drejtohet Gjykatës rreth llogarisë në Twitter

Ish -presidenti amerikan Donald Trump ka kërkuar nga një gjykatës federal që të urdhërojë kompaninë Twitter t’ia aktivizojë llogarinë e tij në këtë rrjet social.

Twitter e kishte bllokuar llogarinë e Trumpit për shkak të trazirave në muajin janar në Kongresin amerikan. Ndalimi i përhershëm i Trumpit nga Twitter pati nxitur debat nga mbështetësit, por edhe kundërshtarët e kësaj mase, të cilët thonin se një vendim i tillë shpërfaq fuqinë e kompanive të teknologjisë amerikane në debatin publik të vendit, transmeton Rel, përcjell Albinfo.ch.

Në kërkesën e tyre të paraqitur në gjykatën federale amerikane në Florida, avokatët e Trumpit thanë se vendimi i Twitterit ishte i “detyruar” nga ligjvënësit e Kongresit. “Twitter ushtron një shkallë të fuqisë dhe kontrollit mbi debatin politik në këtë vend”, thanë avokatët e Trump në dosje.

by Taboola

Sponsored Links

You May Like

Komorane: Dental Braces Prices Might Actually Surprise YouDental Braces | Search Ads

Atëbotë vendimi i Twitterit u pasua edhe nga kompani tjera të teknologjisë. Më 6 janar, përkrahësit e Trumpit u përleshën me policinë dhe më pas hynë në ndërtesën e Kongresit amerikan, duke dëmtuar pjesë të tij dhe duke kërcënuar ligjvënësit.

Sulmi erdhi derisa Kongresi po mbante takim për të vërtetuar fitoren e Joe Bidenit në zgjedhjet presidenciale që ishin mbajtur dy muaj më parë. Disa orë para sulmit, Trump iu drejtua një turme të madhe të përkrahësve të tij duke iu bërë thirrje që të “luftojnë si në ferr”.

Ai nuk bëri thirrje në mënyrë eksplicite për të sulmuar Kongresin. Trump më vonë u akuzua nga Dhoma e Përfaqësuesve e kontrolluar nga demokratët për nxitje të dhunës. Senati i kontrolluar nga republikanët e shpalli të pafajshëm.

Para se t’i bllokohej llogaria, Trump kishte më shumë se 88 milionë ndjekës në Twitter.