Ushqimi i shëndetshëm mund të shmangë infektimin me COVID-19

JerzyGorecki

Një studim i fundit tregon se konsumimi i ushqimit të duhur mund të zvogëlojë rrezikun e infektimit me COVID-19.

Studiuesit nga Spitali i Përgjithshëm i Massachusetts në Boston dolën në përfundimin se një e treta e rasteve me koronavirus mund të ishin shmangur nëse njerëzit do të kishin një dietë të shëndetshme, me shumë fruta dhe perime.

Rezultatet e studimit tregojnë se personat që konsumuan një dietë më të shëndetshme kishin 9% më pak rrezik në infektimin me koronavirusin.

Gjithashtu këta persona kishin 41% më pak të ngjarë të zhvillonin simptoma të rënda të sëmundjes së COVID-19.

Studimi mori në shqyrtim 592.571 individë nga Shtetet e Bashkuara të Amerikës dhe Mbretëria e Bashkuar midis marsit dhe dhjetorit të vitit 2020.

Studiuesit u kanë bërë thirrje qeverive që t’i japin përparësi ushqimit të shëndetshëm dhe mirëqenies me politika të cilat kanë ndikim.