Von der Leyen: “I duam në BE vendet e Ballkanit Perëndimor”

Mesazhi i Presidentes së KE-së para nisjes së Samitit

Pak para nisjes së samitit Ballkani Perëndimor-BE, në Slloveni, presidentja e Komisionit Evropian, Ursula Von der Leyen, ka dhënë një mesazh.

Von der Leyen tha se vendet e Ballkanit perëndimor i takojnë familjes evropiane.

“Ne duam të dërgojmë një mesazh të vetëm dhe të qartë që Ballkani Perëndimor i takon Bashkimit Evropian, ne i duam ata në BE dhe familjen tonë evropiane. Ne ndajmë të njëjtën histori dhe të njëjtat vlera”, ka thënë Presidentja e KE-së.

Kryetarja e Komisionit Evropian ka shtuar se duan t’ia bëjnë me dije Ballkanit Perëndimor se BE-ja është partneri favorit për ta.

“Ne duam t’u tregojmë se sa shumë kujdesemi për ta dhe se ne jemi partneri favorit për ta”, u shpreh Von der Leyen.

---