Kandidatja shqiptare, në zgjedhjet lokale në Danimarkë

Bëhet e ditur se shqiptarja Arbresha Useni ka shpallur kandidimin e saj në zgjedhjet lokale të Danimarkës, të cilat mbahen më 16 nëntor 2021, në 98 komuna, transmeton albinfo.ch.

Ajo do të kandidojë në zgjedhjet lokale në Rodovre, në Partinë Social Demokrate.

Vlen të theksohet se ajo ka lindur në Danimarkë, është shkolluar atje, duke kryer Master në Business Management dhe tani është udhëheqëse e Departamentit të kontabilitetit financiar në një korporatë fin-tech.

“Këto zgjedhje janë shumë të rëndësishme për të gjithë banorët. Gjithcka që ndodh në Komunë, unë ndihem shumë e përfshirë dhe sigurisht kjo komunë përfshin edhe shumë bashkatdhetarë shqiptarë. Unë kandidoj për këtë parti, sepse mendoj se gjeneratës sime i shkon për shtat ideologjia e kësaj partie. DNA-ja e Danimarkës në thelb është e ndërtuar mbi ideologjinë socialdemokrate. Danimarka është e njohur për një shoqëri të barbartë, ku dallimi midis të varfërve dhe të pasurve është shumë i vogël. Një shoqëri e mirëqenë është ajo ku të fortët u japin dorë atyre që kanë nevojë për ndihmë. Edhe pse politika nuk ka qenë në synimet e mia, mendoj se çdokush është i lindur për t’u marrë me politikë”, shprehet Arbresha për mediat në Danimarkë.