Zvicër: Lejohet përdorimi i qumështit të mjelë nga robotët

Djathi tradicional në Zvicër, me një ndryshim të vogël

Organizata e degës për djathin e famshëm Vacherin Fribourgeois, i cili, së bashku me Gruyère, përdoret në fondue ‘moitié-moitié’, tani lejon përdorimin e qumështit që është mjelë nga një robot – një praktikë që deri më tani është e ndaluar, transmeton albinfo.ch.

U deshën pothuajse tre vjet testime dhe analiza të cilësisë së djathit për të lejuar robotët mjelës, sipas Romain Castella, drejtor i shoqatës së degës.

Roboti mjelës nuk ka ndikim negativ në mirëqenien e kafshëve, vuri në dukje ai. “Përkundrazi, lopët janë më të lira dhe mund të vendosin kur të milen. Sa më të lirë të jenë, aq më të lumtur janë”. Dhe sa më mirë të ketë shije djathi i tyre.

---