Zvicër: Ekspozimi i qëllimshëm ndaj Covid është i paligjshëm

(KEYSTONE/Christian Beutler)

Është e vështirë të besohet, por në të vërtetë ka njerëz në Zvicër që e bëjnë këtë, transmeton albinfo.ch.

Sipas një raporti të transmetuesit publik RTS, disa njerëz skeptikë ndaj vaksinave në Zvicër bëjnë përpjekje të mëdha për të kapur koronavirusin, në mënyrë që të mund të marrin një certifikatë Covid pas shërimit.

Ata me sa duket reklamojnë në mediat sociale, duke kërkuar njerëz të kontaminuar që mund t’ua transmetojnë virusin.

Megjithatë, kjo praktikë nuk është vetëm e rrezikshme, por edhe e paligjshme.  Marrja me qëllim e koronavirusit është vepër penale, e dënueshme deri në pesë vjet burgim, raportoi RTS.