Vrasja që tronditi Gjermaninë, zbardhen detaje të reja

Detaje të reja janë zbuluar nga mediat sot lidhur me vrasjen që tronditi Gjermaninë, ku babai shqiptar dyshohet se vrau dy fëmijët, plagosi gruan dhe në fund vrau veten.

Raportohet se Flamur R., 44 vjeç, qëlloi për vdekje dy djemtë e tij, 13 e 11 vjeç, dhe plagosi gruan, Advijen, 38 vjeç, e më pas vrau veten.

Bild.de raporton se në familjen shqiptare ka pasur shpesh debate dhe se në gjaknxehtësi e sipër ai ka qëlluar mbi familjen.

Mësohet se në të kaluarën ai ka kërcënuar edhe të afërmit, të cilët e kanë denoncuar në polici.

Sipas zyrës së mirëqenies për të rinjtë, djemtë e tij gjithashtu kishin thirrur policinë në mars të vitit 2020, pas një debati të ashpër mes prindërve të tyre.

“Prindërit ishin shumë të kuptueshëm. Nuk kishim asnjë dëshmi se prindërit kishin probleme psikologjike. Ne gjithashtu nuk gjetëm asnjë tregues për ndonjë rrezik për mirëqenien e fëmijës”, thanë autoritetetet.