Mërgimtarit i digjet vetura me benzinë

Ngjarja ka ndodhur në Ferizaj, ndërsa mërgimtari është shprehur se, ia kanë djegur qëllimisht

Policia e Kosovës ka bërë të ditur se në mëngjesin e të shtunës është raportuar nga një person se i është djegur vetura me targa të huaja.

Ngjarja ka ndodhur në Ferizaj, përcjell albinfo.ch.

Viktima ka thënë se dikush qëllimisht ia ka djegur veturën me shishe benzinës.

Ndonëse ai kishte arritur të shuante zjarrin, vetura ka marrë dëme të konsiderueshme. Policia po e heton rastin.

“Ferizaj 01.01.2022 – 06:00. Viktima mashkull kosovare ka raportuar se person-a të panjohur qëllimisht me një shishe me benzinë ia kishin vënë flakën veturës së tij me targa të huaja i cili kishte arrit ta shuaj zjarrin por në veturë iu kishin shkaktuar dëme të konsiderueshme materiale. Njësitë policore kanë dalë në vendin e ngjarjes dhe janë duke e hetuar rastin”, thuhet në raportin e Policisë.

---