Deputetja e Kuvendit të Kosovës që u rrezikua nga plumbi ‘qorr’ në natën e Vitit të Ri

Deputetja e Lëvizjes Vetëvendosje, Vasfije Krasniqi, ka rrëfyer se në natën e ndërrimit të moteve është rrezikuar nga një plumb “qorr”.

Përmes Twitter ajo ka postuar një fotografi, ku shihet një plumb qorr teksa ka depërtuar brenda dritareve të shtëpisë së saj.

“Njerëz, nuk është kurrë e sigurt të gjuash një plumb qorr. Kjo ishte vetëm 10 inç (25 centimetra) larg nga vendi ku isha ulur mbrëmë në orën 12:21. Mendoni për njerëzit që mund t’i lëndoni jashtëzakonisht shumë, nëse veç nuk i vrisni duke e bërë këtë”, ka shkruar Krasniqi.