Shqiptarja fitoi vendin e parë në garat e matematikës në Vicenza të Italisë

Anesa Halimi u përzgjodh më e mira në garat e matematikës

Anesa Halimi është gjeniu i vogël shqiptar në fushën e matematikës. Ajo është nxënësja nga Podujeva që ka korrur suksese në garat e matematikës në Vicenza të Italisë, transmeton albinfo.ch.

Theksohet se Halimi, në këto gara ka zënë vendin e parë. Kështu ka bërë të ditur në një postim në Facebook, kryetari i Podujevës, Shpejtim Bulliqi.

“Emocion dhe kënaqësi e veçantë të mirëpres Anesa Halimin, llapjanen e cila fitoi vendin e parë në garat e matematikës në Vicenza të Italisë. Anesa arriti të fitojë vendin e parë si matematicientja më e mirë e qytetit të Vicenzes në Itali, ku edhe ajo jeton me familjen e saj. Të rinjtë si Anesa janë forca jonë që na shtyjnë të ecim përpara e të punojmë shumë që fëmijëve e të rinjve tanë t’ju krijojmë mundësi e kushte më të mira. Anesës i urova shumë suksese në rrugëtimin e saj si matematicente”, ka shkruar ai. /Albinfo.ch

---