Greqia shtyn masat anti-Covid

Ministria e Jashtme e Shqipërisë ka njoftuar sot se Greqia ka shtyrë masat aktuale anti-COVID deri më datë 24 janar 2022.

“Të gjithë shtetasit shqiptarë që udhëtojnë drejt Greqisë, pavarësisht kombësisë, pavarësisht në qoftë se janë të vaksinuar ose kanë qenë të diagnostikuar me COVID-19, janë të detyruar të paraqesin test negativ PCR, kryer brenda 72 orëve, përpara udhëtimit ose test të shpejtë antigjenik, kryer brenda 24 orëve para udhëtimit”, thuhet në njoftim, transmeton albinfo.ch.

Po ashtu, bëhet e ditur se të gjithë udhëtarët që hyjnë në territorin e Republikës së Greqisë duhet të plotësojnë formularin elektronik PLF (Passenger LocatorForm), në adresën elektronike https://travel.gov.gr, me të dhënat e tyre të kontaktit në Greqi, përpara mbërritjes.

Kjo masë vlen për të rriturit dhe fëmijët mbi 5 vjeç, pavarësisht nga vaksinimi.