Një autobus është aksidentuar rreth orës 22:00, në Krushevac të Serbisë.
Si pasojë e aksidentit janë lënduar disa persona. Sipas disa dëshmitarëve në autobus ishin rreth 80 persona që po udhëtonin drejtë Sllovenisë.
Sipas dëshmitarëve nga vendi i ngjarjes, asnjë nga udhëtarët nuk ka pësuar lëndime të rënda, ndërsa ndihmë të lënduarve i kanë ofruar udhëtarët dhe shoferët e një autobusi tjetër po nga Kosova. Shkaqet e këtij aksidenti ende nuk dihen, raportojnë mediat kosovare, përcjell albinfo.ch.
Udhëtarët ishin nisur nga Prizreni në drejtim të Sllovenisë.
Edhe pronari i kompanisë, Gazmend Zhitia ka konfirmuar aksidentin, duke shtuar se tetë persona janë lënduar, por jo rëndë.
Aksidentin e ka konfirmuar edhe një familjar i udhëtarëve që gjendej në autobus për albinfo.ch. Sipas tij aksidenti ka ndodhur për shkak të rrugës me vështirësi, kurse policia i ka larguar nga vendi i ngjarjes. Gjithnjë sipas tij, nuk ka lëndime të rënda, vetëm disa me lëndime të lehta.
https://www.facebook.com/watch/?ref=external&v=458232732422794
