Zelanda e Re lehtëson masat, rihapje të kufijve

@danfreemanphoto

Shteti që ka menaxhuar më së miri pandeminë në botë pa dyshim se është Zelanda e Re, e cila së fundmi ka prezantuar planin për rihapje të kufijve, teksa ky shtet nis të relaksojë disa prej kufizimeve më të ashpra në botë për luftim të pandemisë, përcjell albinfo.ch.

Qytetarët e vaksinuar që janë në Australi do të mund të shkojnë në shtëpi nga 27 shkurti, derisa shtetasit e vendeve të tjera do të mund të hyjnë në Zelandë të Re nga 13 marsi, ka thënë kryeministrja e këtij vendi, Jacinda Ardern.

Ata do të duhen të vetizolohen për 10 ditë, mirëpo programi shtetëror i karantinës do të anulohet.

Shtetasit e Zelendës së Re që kanë mbetur nëpër vende të ndryshme të botës, e kanë mirëpritur këtë lajm.

Ky njoftim ka ardhur pas rritjes së kritikave për politikën kontroverse të Zelandës së Re për mbyllje të kufijve, me qëllim të luftim të pandemisë.

Kufijtë e këtij vendi kanë qenë të mbyllur për gati dy vjet.

Përgjatë asaj periudhe, ky shtet me pesë milionë banorë ka regjistruar 54 viktima dhe rreth 17,000 raste të infektimit – shifra shumë më të vogla sesa në pjesën tjetër të botës.