Disa ekspertë shëndetësorë, ‘jooptimistë’ për lehtësimet në Zvicër

(KEYSTONE/EPA/MARTIN DIVISEK)

Ndërsa Këshilli Federal hoqi disa masa këtë javë, me të tjera që do të përfundonin më 17 shkurt, disa ekspertë bëjnë thirrje për kujdes dhe më shumë durim, transmeton albinfo.ch.

“Nuk jam aq optimist. Ka ende shumë raste për momentin. Ne e dimë mirë se shumica e infeksioneve ndodhin pas pikut”, tha Silvia Stringhini, drejtuese e Njësisë së Epidemiologjisë së Popullsisë në Spitalet Universitare të Gjenevës (HUG).

“Spitalet mbeten plot dhe ne duhet të presim disa javë dhe të lëmë pak më shumë kohë për t’u siguruar që e kaluam këtë valë”, shtoi ajo.