Kiana Kryeziu, e gatshme për debutim në Lojërat Olimpike Dimërore

Lëshimin e saj të parë Kiana Kryeziu pritet ta bëjë në mëngjesin e hershëm të së hënës, rreth orë 02:00

Skitarja kosovare, Kiana Kryeziu, është e gatshme për garën e parë në Lojërat Olimpike Dimërore “Pekini 2022”.

Ajo ka thënë se është përgatitur shumë mirë dhe është e gatshme për debutimin e saj në këtë sfidë, ku do ta përfaqësojë Kosovën si vajza e parë në LOD.

“Përgatitjet kanë shkuar shumë mirë, është shumë e organizuar mirë do të thotë pista, qitet, heket, i kemi tri ndërrime edhe thjesht është super…Agim Popovci, trajneri im, është një pjesë themelore e ushtrimeve dhe jetës sime si sportiste. Ai më mungon shumë, sidomos tani në këto momente që më duhet të jetë këtu dhe nesër që e kam garën, por në përgjithësi unë e di se çfarë më ka thënë ai dhe thjesht do të vazhdojë më këshilla e tij.

Gati jam, jam e përgatitur, jam përgatitur gjatë gjithë vitit 2021 ka qenë një prej synimeve më të mëdha të miat, kështu që jam shumë e emocionuar dhe mezi po pres”, tha Kryeziu për faqen zyrtare të Komitetit Olimpik të Kosovës, përcjell albinfo.ch.

Lëshimin e saj të parë Kiana Kryeziu pritet ta bëjë në mëngjesin e hershëm të së hënës, rreth orë 02:00.

https://www.facebook.com/watch/?v=956549261635439

---