Skiatorja shqiptare Lara Colturi po vijon përgatitjet për garën e radhës në Kupën e Botës në Ski, që do të zhvillohet në Sölden.
Ministri i Turizmit, Kulturës dhe Sportit, Blendi Gonxhja, publikoi sot pamje nga stërvitja e sportistes, e cila pritet të përfaqësojë Shqipërinë në disiplinën e sllallomit gjigant.
Përmes një postimi në rrjetet sociale, Gonxhja i uroi suksese Colturit për këtë sfidë, e cila shënon nisjen e sezonit të ri të Kupës së Botës në Ski.
Gara në Sölden do të jetë një nga sfidat e para të sezonit për skiatoren shqiptare, e cila synon të japë paraqitjen e saj më të mirë në këtë kompeticion ndërkombëtar.
