Lehtësohen masat Covid në Luksemburg

pixabay

Në Luksemburg sot do të lehtësohen masat Covid, pas një vendimi të marrë nga organi ligjvënës, përcjell albinfo.ch.

Nga këto, personat e pavaksinuar do të lejohen edhe një herë në bare dhe restorante, hotele dhe ambiente sportive, për sa kohë që ato ofrojnë dëshmi të një testi negativ për Covid-19.

Gjithashtu do te hiqet ora policore nga 23:00 për baret dhe restorantet, ndërsa diskotekat dhe klubet do të lejohen të rihapen. Nuk ka më kufizime në grumbullimet private dhe personat e kontaktit nuk do të duhet të karantinohen më. Ligji, i cili u miratua me 28 vota nga 38, hyn në fuqi të premten vonë.

Numri i infeksioneve të reja me koronavirus në Luksemburg ka rënë së fundmi. Ndërmjet 31 janarit dhe 6 shkurtit incidenca shtatëditore për 100 000 banorë ishte 1 733, krahasuar me 2 350 një javë më parë, sipas Ministrisë së Shëndetësisë.