Zelensky: Nuk kemi nevojë për prognoza rreth pushtimit të mundshëm rus, por për ndihmë ushtarake

Presidenti i Ukrainës, Volodymyr Zelensky, ka thënë se Ukraina nuk ka nevojë për prognoza të datave se kur Rusia mund të fillojë pushtimin, por ndihmë ushtarake dhe investime.

Pavarësisht paralajmërimeve që personeli i ambasadave të huaja të mos e braktisin Ukrainën, Zelensky nga Minheni, ku shkoi për të marrë pjesë në konferencën për siguri, pati një mesazh për të gjithë.

“Nëse doni ta ndihmoni Ukrainën, nuk kemi nevojë për data të pushtimit të mundshëm, do të mbrohemi nga të gjitha datat, kemi nevojë për armatim, forcim të ekonomisë përmes investimeve apo marrjes së kredive”, tha Zelensky.

Ai theksoi se nuk mund të flasë në baza ditore nëse nesër do të ketë luftë.

“Si do të funksionojë ekonomia jonë nëse çdo ditë pritet pushtimi. A mund të jetohet në një shtet të tillë? Jo”, tha presidenti ukrainas, shkruajnë mediat ndërkombëtare, përcjell Albinfo.ch.

Zelensky shtoi se nuk duhet bërë panik, pasi prej tetë vjetësh po ballafaqohen me agresionin rus dhe se e dinë se çfarë duhet bërë e çfarë jo.