‘Mirë se vini në botën ku Evropa do të paguajë 2000 euro për gaz’

Vendimi i Gjermanisë për pezulluar certifikimin e gazsjellësit “Nord Stream 2”, mund të sjellë pasoja të mëdha për Evropën.

Ish-presidenti dhe ish-kryeminsitri i Rusisë, Dimitry Medvedev ka paralajmëruar për rritje të mëdha të çmimeve të gazit natyror në Europë.

“Kancelari gjerman, Olaf Scholz, ka dhënë urdhër që të ndërpritet procesi i certifikimit të “Nord Stream 2”. Mirë se vini në një botë të re e të guximshme, ku europianët shumë shpejt do të duhet të paguajnë 2000 euro për 1000 metra kub gaz natyror!”, tha Medvedev në një postim në Twitter, transmeton Albinfo.ch.

Kancelari gjerman, Olaf Scholz, tha se qeveria e tij po e merrte një masë të tillë në kundërpërgjigje të veprimeve ruse ne Ukrainë. “Ky është një hap i nevojshëm administrativ, që do të pamundësojë funksionimin e Nord Stream 2”, tha kancelari.

 

---