Hungaria ‘përgatitet’ për refugjatë, vendos forca të armatosura në pika kufitare

Kjo mes frikës së një fluksi refugjatësh nëse kriza me Rusinë përshkallëzohet. Lajmi u bë i ditur nga ministri i Mbrojtjes, Tibor Benko.

Vendet në Evropën Lindore po bëjnë përgatitje për njerëzit që ikin nga Ukraina.

“Forcat e armatosura të Hungarisë do të kryejnë detyra humanitare si dhe do të mbyllin kufirin e Ukrainës me Hungarinë për të siguruar që asnjë grup i armatosur nuk mund të hyjë në territor”, tha ministri i Mbrojtjes, përcjell Albinfo.ch.

Për të, siguria e Hungarisë është më e rëndësishmja, transmeton AP.

Kryeministri i Hungarisë, Viktor Orban, njihet për qëndrimin e tij të ashpër ndaj migracionit.
Në të kundërtën, fqinji i të dyjave, Rumania, thotë se mund të pranojë gjysmë milioni refugjatë nëse kriza në Ukrainë përkeqësohet.

---