Zvicra e Kosova me grup parlamentar të miqësisē

Kosova dhe Zvicra kanë konstituuar sot grupin parlamentar të miqësisë, njofton Albinfo.ch.

Në krye të këtij grupi do të jetë deputetja Jeta Statovci, e cila edhe e ka bërë njoftimin për konstituim të grupit.

“Zvicra është njëra prej vendeve mike të Republikës së Kosovës. Për shtetin e institucionet tona, Zvicra mbetet përherë njëra prej referencave më të rëndësishme në aspektin e zhvillimit progresiv të demokracisë, ekonomisë, barazisë sociale dhe drejtësisë”, shkruan Statovci, transmeton Albinfo.ch.

“Duke ditur faktin se sa të mira e të veçanta janë marrëdhëniet mes dy vendeve tona, unë me shumë përgjegjësi e kompetencë, do të angazhohem e të punojë me përkushtim të madh që të kemi avancim të bashkëpunimit, me qëllim që shteti ynë të përfitojë të mira nga përvojat dhe praktikat e një shteti që është model i zhvillimit të mirëqenies shoqërore. Edhe më të vecantë këtë relacion e bënë diaspora jonë e madhe në shtetin e Zvicres”, shtoi ajo.

---